ڈاکٹر زاہد مغل

غامدی صاحب کا کہنا ہے کہ علم کلام ناگزیر علم نہیں اس لئے کہ قرآن تک پہنچنے کے جس استدلال کی متکلمین بات کرتے ہیں وہ قرآن سے ماخوذ نہیں نیز قرآن نے اس بارے میں خود ہی طریقہ بتا دیا ہے۔ مزید یہ کہ علم کلام کا حاصل دلیل حدوث ہے جس کا پہلا مقدمہ (عالم حادث ہے) کمزور ہے۔ اس کے علاوہ علم کلام میں ذات و صفات باری کی بحثیں ہیں جو غیر مطلوب ہیں اس لئے کہ قرآن ان پر بالکل واضح ہے۔ اس ویڈیو میں ان کے ان دعووں کا تجزیہ کرتے ہوئے بتایا گیا ہے کہ علم کلام کیوں کر ناگریر علم ہے نیز اس کے ہر باب کی بحث (یہاں تک کہ یہ بحث بھی کہ وجود ماھیت پر زائد ہے یا اس کا عین، کلیات کا خارجی وجود ہے یا نہیں، صفات ذات کا عین ہیں یا غیر وغیرہ) کس طرح دینی مقدمات کے ساتھ پیوست ہے جن سے علمی گریز ممکن نہیں۔ بات کو پوری طرح سمجھانے کے لئے وجود باری پر جناب غامدی صاحب کی جانب سے پیش کردہ دلیل کا بھی تجزیہ کیا گیا ہے۔ ہم نے جناب غامدی صاحب کے مقدمے کو بطور کیس سٹڈی لیا ہے تاکہ علم کلام سے متعلق مختلف قسم کی عمومی غلط فمیوں کا ازالہ کیا جاسکے۔

ویڈیو درج ذیل لنک سے ملاحظہ فرمائیں ۔